Findus on Facebook
ਤਾਜ਼ਾਖ਼ਬਰਾਂ
ਨੋਟਬੰਦੀ ਕਾਰਨ ਬਦਤਰ ਹਾਲਾਤ ਹੋਣੇ ਅਜੇ ਬਾਕੀ : ਡਾ. ਮਨਮੋਹਨ ਸਿੰਘ

ਨੋਟਬੰਦੀ ਕਾਰਨ ਬਦਤਰ ਹਾਲਾਤ ਹੋਣੇ ਅਜੇ ਬਾਕੀ : ਡਾ. ਮਨਮੋਹਨ ਸਿੰਘ

January 11, 2017 10:51 PM

ਨਵੀਂ ਦਿੱਲੀ, 11 ਜਨਵਰੀ : ਦੇਸ਼ ਦੇ ਕੁੱਲ ਘਰੇਲੂ ਉਤਪਾਦ (ਜੀ.ਡੀ.ਪੀ.) ਵਿਚ ਗਿਰਾਵਟ ਦੀ ਸੰਭਾਵਨਾ ਦੌਰਾਨ ਸਾਬਕਾ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਨੇ ਅੱਜ ਲੋਕਾਂ ਨੂੰ ਸੁਚੇਤ ਕੀਤਾ ਕਿ ਵੱਡੇ ਨੋਟਾਂ ਨੂੰ ਰੱਦ ਕਰਨ ਦੇ ਫ਼ੈਸਲੇ ਦੇ ਮਦੇਨਜ਼ਰ ਸੱਭ ਤੋਂ ਬਦਤਰ ਹਾਲਾਤ ਆਉਣੇ ਅਜੇ ਬਾਕੀ ਹਨ।
ਨੋਟਬੰਦੀ ਦੇ ਮੁੱਦੇ 'ਤੇ ਕਾਂਗਰਸ ਵਲੋਂ ਕਰਵਾਏ ਪ੍ਰੋਗਰਾਮ ਵਿਚ ਸਾਬਕਾ ਵਿੱਤ ਮੰਤਰੀ ਪੀ. ਚਿਦੰਬਰਮ ਨੇ ਦਾਅਵਾ ਕੀਤਾ ਕਿ ਅੱਠ ਨਵੰਬਰ ਦੀ ਕੈਬਨਿਟ ਦੀ ਮੀਟਿੰਗ ਦਾ ਕੋਈ ਰੀਕਾਰਡ ਨਹੀਂ, ਜਿਸ ਵਿਚ ਸਰਕਾਰ ਨੇ ਕਿਹਾ ਹੈ ਕਿ ਉਸ ਨੇ ਵੱਡੇ ਨੋਟਾਂ ਨੂੰ ਰੱਦ ਕਰਨ ਦਾ ਫ਼ੈਸਲਾ ਕੀਤਾ ਹੈ। ਕਾਂਗਰਸ ਦੇ 'ਜਨ ਵੇਦਨਾ' ਪ੍ਰੋਗਰਾਮ ਨੂੰ ਸੰਬੋਧਨ ਕਰਦਿਆਂ ਡਾ. ਮਨਮੋਹਨ ਸਿੰਘ ਨੇ ਨੋਟਬੰਦੀ ਨੂੰ ਆਫ਼ਤ ਕਰਾਰ ਦਿਤਾ ਅਤੇ ਕਿਹਾ ਕਿ ਚੀਜ਼ਾਂ ਖ਼ਰਾਬ ਤੋਂ ਬਹੁਤ ਖ਼ਰਾਬ ਹੋ ਗਈਆਂ ਹਨ ਅਤੇ ਇਸ ਦਾ ਸੱਭ ਤੋਂ ਬੁਰਾ ਪਹਿਲੂ ਅਜੇ ਆਉਣਾ ਬਾਕੀ ਹੈ।
ਉਨ੍ਹਾਂ ਇਸ ਬਾਰੇ ਦਾਅਵਿਆਂ ਨੂੰ ਖੋਖਲਾ ਅਤੇ ਮੋਦੀ ਦਾ ਦੁਸ਼ਪ੍ਰਚਾਰ ਕਰਾਰ ਦਿਤਾ। ਸਾਬਕਾ ਪ੍ਰਧਾਨ ਮੰਤਰੀ ਨੇ ਅਪਣੇ ਭਾਸ਼Îਣ ਵਿਚ ਕਿਹਾ ਕਿ ਇਹ ਕਾਂਗਰਸੀ ਕਾਰਕੁਨਾਂ ਦਾ ਫ਼ਰਜ਼ ਹੈ ਕਿ ਉਹ ਲੋਕਾਂ ਨੂੰ ਇਸ ਸਬੰਧੀ ਦਸਣ ਕਿ ਮੋਦੀ ਸਰਕਾਰ ਕੀ ਗ਼ਲਤ ਚੀਜ਼ਾਂ ਕਰ ਰਹੀ ਹੈ ਅਤੇ ਇਸ ਸਬੰਧੀ ਦੇਸ਼ਵਾਸੀਆਂ ਨੂੰ ਉਠ ਖੜਾ ਹੋਣ ਅਤੇ ਜਾਗਰੂਕ ਕਰਨ ਦਾ ਸੱਦਾ ਦੇਣ ਦੀ ਲੋੜ ਹੈ।
ਡਾ. ਮਨਮੋਹਨ ਸਿੰਘ ਅਤੇ ਚਿਦੰਬਰਮ ਦੋਵਾਂ ਨੇ ਕਿਹਾ ਕਿ ਨੋਟਬੰਦੀ ਕਾਰਨ ਕੁੱਲ ਘਰੇਲੂ ਉਤਪਾਦ ਵਿਚ ਗਿਰਾਵਟ ਆਵੇਗੀ। ਚਿਦੰਬਰਮ ਨੇ ਅਪਣੇ ਭਾਸ਼ਣ ਵਿਚ ਕਿਹਾ ਕਿ ਅੱਠ ਨਵੰਬਰ ਦੀ ਕੈਬਿਨਟ ਮੀਟਿੰਗ ਦਾ ਕੋਈ ਰੀਕਾਰਡ ਨਹੀਂ। ''ਕੈਬਨਿਟ ਨੋਟ ਕਿਥੇ ਹਨ। ਕੈਬਨਿਟ ਦਾ ਫ਼ੈਸਲਾ ਕਿੱਥੇ ਹੈ।'' ਉਨ੍ਹਾਂ ਕਿਹਾ ਕਿ ਭਾਰਤ ਦੇ ਇਤਿਹਾਸ ਵਿਚ ਅਜਿਹਾ ਤਮਾਸ਼ਾ ਕਦੇ ਨਹੀਂ ਕੀਤਾ ਗਿਆ।
ਸਾਬਕਾ ਵਿੱਤ ਮੰਤਰੀ ਨੇ ਕਿਹਾ ਕਿ ਆਰ.ਬੀ.ਆਈ. ਦੀ ਮਾਣ-ਮਰਿਆਦਾ ਅੱਜ ਦਾਅ 'ਤੇ ਲੱਗੀ ਹੋਈ ਹੈ। ਕੇਂਦਰੀ ਬੈਂਕ ਨਾਲ ਭੇਦਭਾਵ ਕਰ ਰਹੇ ਹਨ ਪਰ ਪਹਿਲਾਂ ਕਦੇ ਸਰਕਾਰ ਨੇ ਆਰ.ਬੀ.ਆਈ. ਨਾਲ ਭਾਰਤ ਸਰਕਾਰ ਦੇ ਇਕ ਵਿਭਾਗ ਵਜੋਂ ਵਿਵਹਾਰ ਨਹੀਂ ਕੀਤਾ। ਉਨ੍ਹਾਂ ਕਿਹਾ ਕਿ ਇਥੋਂ ਤਕ ਜੀ.ਡੀ.ਪੀ. ਵਿਚ ਇਕ ਫ਼ੀ ਸਦੀ ਗਿਰਾਵਟ ਨਾਲ ਦੇਸ਼ ਨੂੰ 1.5 ਲੱਖ ਕਰੋੜ ਰੁਪਏ ਦਾ ਨੁਕਸਾਨ ਹੋਵੇਗਾ।
ਕਾਂਗਰਸ ਨੇ ਇਸ ਪ੍ਰੋਗਰਾਮ ਦੌਰਾਨ ਇਕ ਬਿਆਨ ਵੀ ਜਾਰੀ ਕੀਤਾ, ਜਿਸ ਵਿਚ ਕਿਹਾ ਗਿਆ ਹੈ ਕਿ ਪ੍ਰਧਾਨ ਮੰਤਰੀ ਨੂੰ ਇਸ ਗੱਲ ਦਾ ਪ੍ਰਗਟਾਵਾ ਕਰਨਾ ਚਾਹੀਦਾ ਹੈ ਕਿ ਖ਼ਤਮ ਕੀਤੇ ਗਏ ਨੋਟਾਂ ਦਾ ਕਿੰਨਾ ਹਿੱਸਾ ਕਾਲਾ ਧਨ ਸੀ ਕਿਉਂਕਿ ਰੱਦ ਕੀਤੀ ਗਈ ਕਰੰਸੀ ਬੈਂਕਾਂ ਵਿਚ ਜਮ੍ਹਾਂ ਹੋ ਚੁੱਕੀ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਇਸ ਨਾਲ ਸਰਕਾਰ ਦੇ ਦਾਅਵਿਆਂ ਦਾ ਖੋਖਲਾਪਨ ਬੇਨਕਾਬ ਹੁੰਦਾ ਹੈ। ਕਾਂਗਰਸ ਨੇ ਕਿਹਾ, ''ਚਿੰਤਾ ਦਾ ਵਿਸ਼ਾ ਹੈ ਕਿ ਨੋਟਬੰਦੀ ਦੇ 50 ਦਿਨਾਂ ਦੀ ਮਿਆਦ ਦੌਰਾਨ ਭਾਜਪਾ ਦੇ ਕੁੱਝ ਭ੍ਰਿਸ਼ਟ ਆਗੂਆਂ, ਕਾਲਾਬਾਜ਼ਾਰੀਆਂ ਅਤੇ ਬੈਂਕ ਅਧਿਕਾਰੀਆਂ ਦੇ ਨਾਪਾਕ ਗਠਜੋੜ ਨੂੰ ਵੱਖ-ਵੱਖ ਮੀਡੀਆ ਚੈਨਲਾਂ ਨੇ ਵਿਖਾਇਆ ਜੋ ਨੋਟਾਂ ਨੂੰ ਗ਼ੈਰ-ਕਾਨੂੰਨੀ ਢੰਗ ਨਾਲ ਬਦਲਣ ਵਿਚ ਲੱਗੇ ਸਨ।'' (ਪੀ.ਟੀ.ਆਈ.)

ਕੁਝ ਕਹਿਣਾ ਚਾਹੁੰਦੇ ਹੋ?ਆਪਣੇ ਵਿਚਾਰ ਪੋਸਟ ਕਰੋ

Corporate Office : #3037 Sector-19D, Chandigarh

Phone: +91-172 - 2542033, 2542066

Press : D-12 Industrial Area, Ph-1, S.A.S. Nagar, Mohali, Punjab.

Phone: +91-172 - 3047671 / 72

Fax : +91-172 - 5013421

Email : admin@rozanaspokesman.com

General Manager : Mr Rajinder singh

Phone : 9855554387

Rozana Spokesman is a Punjabi-language daily newspaper in India. During its earlier years it was a weekly newspaper. The newspaper takes an independent stand in all the matters related to Punjab, and Sikhs and the Sikh religion in particular

Copyright © 2016 Rozana Spokesman