ਅਤਿਵਾਦੀ ਹਮਲਿਆਂ ਲਈ ਅਪਣੀ ਧਰਤੀ ਦੀ ਵਰਤੋਂ ਬੰਦ ਕਰੋ
ਵਾਸ਼ਿੰਗਟਨ, 27 ਜੂਨ : ਭਾਰਤ ਅਤੇ ਅਮਰੀਕਾ ਨੇ ਅੱਜ ਪਾਕਿਸਤਾਨ ਨੂੰ ਸਖ਼ਤ ਤਾੜਨਾ ਕਰਦਿਆਂ ਇਹ ਯਕੀਨੀ ਬਣਾਉਣ ਲਈ ਆਖਿਆ ਕਿ ਉਸ ਦੀ ਧਰਤੀ ਦੀ ਵਰਤੋਂ ਸਰਹੱਦ ਪਾਰ ਅਤਿਵਾਦੀ ਹਮਲਿਆਂ ਲਈ ਨਾ ਕੀਤੀ ਜਾਵੇ। ਇਸ ਦੇ ਨਾਲ ਹੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇਸਲਾਮਿਕ ਸਟੇਟ, ਜੈਸ਼ ਏ ਮੁਹੰਮਦ, ਲਸ਼ਕਰ ਏ ਤੋਇਬਾ ਅਤੇ ਡੀ ਕੰਪਨੀ ਵਰਗੀਆਂ ਅਤਿਵਾਦੀ ਜਥੇਬੰਦੀਆਂ ਵਿਰੁਧ ਲੜਾਈ ਤੇਜ਼ ਕਰਨ ਦਾ ਨਿਸ਼ਚਾ ਕੀਤਾ।
ਆਸਟ੍ਰੇਲੀਆ 'ਚ ਪ੍ਰਫੁੱਲਤ ਹੋ ਰਹੀ ਹੈ ਪੰਜਾਬੀ ਭਾਸ਼ਾ
ਮੈਲਬੋਰਨ, 27 ਜੂਨ (ਪਰਮਵੀਰ ਸਿੰਘ ਆਹਲੂਵਾਲੀਆ) : ਆਸਟ੍ਰੇਲੀਆ 'ਚ ਕਰਵਾਈ ਗਈ ਮਰਦਮਸ਼ੁਮਾਰੀ ਦੇ ਨਤੀਜੇ ਐਲਾਨ ਦਿਤੇ ਗਏ ਹਨ ਜਿਨ੍ਹਾਂ ਮੁਤਾਬਕ ਇਸ ਮੁਲਕ ਵਿਚ ਪੰਜਾਬੀ ਬੋਲੀ ਦਿਨ-ਬ-ਦਿਨ ਪ੍ਰਫੁੱਲਤ ਹੋ ਰਹੀ ਹੈ।
ਦਲਿਤ ਬਨਾਮ ਦਲਿਤ' ਨਹੀਂ ਰਾਸ਼ਟਰਪਤੀ ਦੀ ਚੋਣ: ਮੀਰਾ ਕੁਮਾਰ
ਨਵੀਂ ਦਿੱਲੀ, 27 ਜੂਨ: ਰਾਸ਼ਟਰਪਤੀ ਅਹੁਦੇ ਲਈ 17 ਵਿਰੋਧੀ ਪਾਰਟੀਆਂ ਦੀ ਸਾਂਝੀ ਉਮੀਦਵਾਰ ਮੀਰਾ ਕੁਮਾਰ ਨੇ ਅੱਜ ਕਿਹਾ ਕਿ ਰਾਸ਼ਟਰਪਤੀ ਦੀ ਚੋਣ ਦਲਿਤ ਬਨਾਮ ਦਲਿਤ ਮੁਕਾਬਲਾ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਉਹ ਰਾਸ਼ਟਰਪਤੀ ਦੀ ਚੋਣ ਵਿਚਾਰਧਾਰਾ ਦੇ ਆਧਾਰ 'ਤੇ ਲੜਨਞੇ ਨਾਕਿ ਜਾਤ ਦੇ ਆਧਾਰ 'ਤੇ। ਰਾਸ਼ਟਰਪਤੀ ਲਈ ਉਨ੍ਹਾਂ ਦੀ ਚੋਣ ਜਾਤ-ਪਾਤ ਨੂੰ ਦੂਰ ਕਰ ਕੇ ਲੋਕਤੰਤਰ ਦੀਆਂ ਕਦਰਾਂ-ਕੀਮਤਾਂ ਦੀ ਰਾਖੀ ਕਰੇਗੀ।
ਬਿਹਾਰ ਤੋਂ ਵੀ ਪਛੜ ਗਿਆ ਪੰਜਾਬ!
ਚੰਡੀਗੜ੍ਹ, 27 ਜੂਨ (ਨੀਲ ਭਲਿੰਦਰ ਸਿੰਘ) :  ਪੰਜਾਬ ਦੇ ਵਿੱਤੀ ਹਾਲਾਤ ਏਨੇ ਮਾੜੇ ਹੋ ਚੁੱਕੇ ਹਨ ਕਿ ਸੂਬੇ ਦੀ ਔਸਤ ਵਿਕਾਸ ਦਰ ਬਿਹਾਰ ਜਿਹੇ ਪਛੜੇ ਮੰਨੇ ਜਾਂਦੇ ਸੂਬਿਆਂ ਤੋਂ ਵੀ ਮਾੜੀ ਹੋ ਚੁੱਕੀ ਹੈ ਅਤੇ ਪ੍ਰਤੀ ਜੀਅ ਆਮਦਨ ਵੀ ਬਾਕੀ ਸੂਬਿਆਂ ਦੇ ਮੁਕਾਬਲੇ ਲਗਾਤਾਰ ਘਟ ਰਹੀ ਹੈ।
ਅਸੀਂ ਪੰਜਾਬ ਦਾ ਏਨਾ ਵਿਕਾਸ ਕਰ ਦਿਤੈ ਕਿ ਹੁਣ ਲੋੜ ਨਹੀਂ ਬਚੀ : ਬਾਦਲ
ਧਨੌਲਾ,27 ਜੂਨ (ਰਾਮ ਸਿੰਘ ਧਨੌਲਾ) :  ਸਾਬਕਾ ਮੁੱਖ ਮੰਤਰੀ ਪਰਕਾਸ਼ ਸਿੰਘ ਬਾਦਲ ਨੇ ਕਿਹਾ ਹੈ ਕਿ ਜੀਐਸਟੀ ਲਾਗੂ ਹੋਣ ਨਾਲ ਦੇਸ਼ ਦੀ ਆਰਥਕ ਤੰਗੀ ਦੂਰ ਹੋਵੇਗੀ।