ਚੰਡੀਗੜ੍ਹ ਖ਼ਬਰਾਂ
ਰਿਸ਼ਵਤ ਲੈਂਦਾ ਆਈ.ਐਫ਼.ਐਸ. ਅਧਿਕਾਰੀ ਗ੍ਰਿਫ਼ਤਾਰ



ਚੰਡੀਗੜ੍ਹ, 18 ਜੁਲਾਈ (ਤਰੁਣ ਭਜਨੀ): ਸੀ.ਬੀ.ਆਈ. ਨੇ ਸੋਮਵਾਰ ਰਾਤੀ ਇੰਡੀਅਨ ਫ਼ਾਰੈਸਟ ਸਰਵਿਸ (ਆਈ ਐਫ਼ ਐਸ) ਅਧਿਕਾਰੀ ਨੂੰ ਇਕ ਲੱਖ ਰੁਪਏ ਰਿਸ਼ਵਤ ਲੈਂਦੇ ਹੋਏ ਰੰਗੇ ਹੱਥੀਂ ਗ੍ਰਿਫ਼ਤਾਰ ਕੀਤਾ ਹੈ।

ਮੁੜ ਵਿਕਾਸ ਦੀ ਲੀਹ 'ਤੇ ਆਵੇਗਾ ਪਟਿਆਲਾ ਮੁੱਖ ਮੰਤਰੀ ਵਲੋਂ ਸ਼ਹਿਰ ਦੀਆਂ ਸੜਕਾਂ ਦੇ ਵਿਕਾਸ ਲਈ 30 ਕਰੋੜ ਰੁਪਏ ਪ੍ਰਵਾਨ


ਪਟਿਆਲਾ, 18 ਜੁਲਾਈ (ਰਣਜੀਤ ਰਾਣਾ ਰੱਖੜਾ): ਪੰਜਾਬ ਸਰਕਾਰ ਨੇ ਅੱਜ ਪਟਿਆਲਾ ਦੀਆਂ ਖ਼ਸਤਾ ਹਾਲ ਸੜਕਾਂ ਦੀ ਮੁਰੰਮਤ ਕਰਨ ਤੋਂ ਇਲਾਵਾ ਸ਼ਹਿਰ ਦੇ ਵਿਕਾਸ ਲਈ ਹੋਰ ਕਈ ਕਦਮ ਚੁੱਕਣ ਦਾ ਫ਼ੈਸਲਾ ਕੀਤਾ ਹੈ।

ਤੰਗੋਰੀ ਵਿਖੇ ਨਲਕਿਆਂ ਦੇ ਬੋਰ ਕਰ ਕੇ ਗਲੀ 'ਚ ਕੀਤੇ ਜਾ ਰਹੇ ਨੇ ਨਾਜਾਇਜ਼ ਕਬਜ਼ੇ




ਬਨੂੜ, 18 ਜੁਲਾਈ (ਅਵਤਾਰ ਸਿੰਘ): ਨਜ਼ਦੀਕੀ ਪਿੰਡ ਤੰਗੌਰੀ ਵਿਖੇ ਇਕ ਗਲੀ ਵਿਚ ਨਲਕਿਆਂ ਦੇ ਕੀਤੇ ਜਾ ਰਹੇ ਬੋਰਾਂ ਅਤੇ ਇਕ ਪਰਵਾਰ ਵਲੋਂ ਬਣਾਏ ਜਾ ਰਹੇ ਮਕਾਨ ਦਾ ਮਾਮਲਾ ਗਰਮਾ ਗਿਆ ਹੈ।

ਪੰਜਾਬ 'ਵਰਸਟੀ ਵਲੋਂ ਪਿਛਲੇ 68 ਸਾਲਾਂ 'ਚ 95 ਸ਼ਖ਼ਸੀਅਤਾਂ ਨੂੰ ਆਨਰੇਰੀ ਡਿਗਰੀਆਂ



ਚੰਡੀਗੜ੍ਹ, 18 ਜੁਲਾਈ (ਬਠਲਾਣਾ): ਪੰਜਾਬ ਯੂਨੀਵਰਸਟੀ ਨੇ ਪਿਛਲੇ 68 ਸਾਲਾਂ ਵਿਚ 95 ਸ਼ਖ਼ਸੀਅਤਾਂ ਨੂੰ ਆਨਰੇਰੀ ਡਿਗਰੀਆਂ ਪ੍ਰਦਾਨ ਕੀਤੀਆਂ ਹਨ। ਸਾਲ 1949 ਵਿਚ ਯੂਨੀਵਰਸਟੀ ਦੀ ਆਜ਼ਾਦ ਭਾਰਤ ਵਿਚ ਹੋਈ ਕਨਵੋਕੇਸ਼ਨ ਵਿਚ ਜਿਨ੍ਹਾਂ ਚਾਰ ਸ਼ਖ਼ਸੀਅਤਾਂ ਨੂੰ ਇਹ ਡਿਗਰੀਆਂ ਪ੍ਰਦਾਨ ਕੀਤੀਆਂ ਗਈਆਂ, ਉਨ੍ਹਾਂ ਵਿਚ ਜਸਟਿਸ ਮੇਹਰ ਚੰਦ ਮਹਾਜਨ, ਸਰਦਾਰ ਵੱਲਭ ਭਾਈ ਪਟੇਲ ਅਤੇ ਚੰਦੂ ਲਾਲ ਮਾਧਵ ਲਾਲ ਤ੍ਰਿਵੇਦੀ ਨੂੰ ਡਾਕਟਰ ਆਫ਼ ਲਾਅ ਅਤੇ ਭਾਈ ਵੀਰ ਸਿੰਘ ਨੂੰ ਡਾਟਕਰ ਆਫ਼ ਓਰੀਐਂਟਲ ਲਰਨਿੰਗ ਦੀ ਡਿਗਰੀ ਦਿਤੀ ਗਈ। ਆਨਰੇਰੀ ਡਿਗਰੀਆਂ ਹਾਸਲ ਕਰਨ ਵਾਲਿਆਂ ਦੀ ਇਸ ਸੂਚੀ ਵਿਚ ਔਰਤਾਂ ਦੀ ਗਿਣਤੀ ਸਿਰਫ਼ 5 ਹੈ।

ਯੂਨੀਵਰਸਟੀ ਦੇ ਨਵੇਂ ਪੜ੍ਹਾਕੂਆਂ ਨੂੰ ਗੱਡੀਆਂ ਦੀ ਥਾਂ ਸਕੂਟਰ ਜਾਂ ਸਾਈਕਲ 'ਤੇ ਆਉਣਾ ਹੋਵੇਗਾ, ਹਾਰਨ ਮਾਰਨ 'ਤੇ ਪਾਬੰਦੀ

ਚੰਡੀਗੜ੍ਹ, 17 ਜੁਲਾਈ (ਬਠਲਾਣਾ): ਪੰਜਾਬ ਯੂਨੀਵਰਸਟੀ ਕੈਂਪਸ ਨੂੰ ਵਾਹਨ ਮੁਕਤ ਬਣਾਉਣ ਦੀ ਦਿਸ਼ਾ ਵਲ ਕਦਮ ਪੁਟਦਿਆਂ ਯੂਨੀਵਰਸਟੀ ਪ੍ਰਸ਼ਾਸਨ ਨੇ ਫ਼ੈਸਲਾ ਕੀਤਾ ਹੈ ਕਿ ਕੈਂਪਸ ਦਾ ਦਾਖ਼ਲਾ ਸਿਰਫ਼ ਸਟਿੱਕਰ ਵਾਲੀਆਂ ਗੱਡੀਆਂ ਲਈ ਹੋਵੇਗਾ, ਜਦੋਂਕਿ ਬਿਨਾਂ ਸਟਿੱਕਰਾਂ ਵਾਲੀਆਂ ਗੱਡੀਆਂ ਲਈ ਗੇਟ ਦੇ ਨੇੜੇ ਹੀ ਪਾਰਕਿੰਗਾਂ ਬਣਾਈਆਂ ਗਈਆਂ ਹਨ।

ਪਿੰਡ ਕੁੰਭੜਾ 'ਚ ਸਰਕਾਰੀ ਰਾਹ 'ਤੇ ਕੀਤਾ ਕਬਜ਼ਾ ਹਟਾਉਣ ਪਹੁੰਚੀ ਵਿਭਾਗ ਦੀ ਟੀਮ

ਐਸ.ਏ.ਐਸ. ਨਗਰ, 17 ਜੁਲਾਈ (ਗੁਰਮੁਖ ਵਾਲੀਆ): ਪਿੰਡ ਕੁੰਭੜਾ 'ਚ ਸਰਕਾਰੀ ਜ਼ਮੀਨ ਉੱਤੇ ਪਿਛਲੇ ਇਕ ਸਾਲ ਤੋਂ ਦੋ ਸਗੇ ਭਰਾਵਾਂ ਵਲੋਂ ਕੀਤੇ ਗਏ ਕਬਜੇ ਨੂੰ ਲੈ ਕੈ ਅੱਜ ਡੀਸੀ ਮੋਹਾਲੀ ਦੇ ਅਦੇਸ਼ਾਂ ਤੋਂ ਬਾਅਦ ਕਬਜਾ ਛੁਡਵਾਉਣ ਲਈ ਵਿਭਾਗ ਦੀ ਟੀਮ ਪਿੰਡ ਕੁੰਭੜੇ ਪਹੁੰਚੀ। ਡਿਊਟੀ ਮੈਜੀਸਟਰੇਟ ਦੀ ਮੌਜੂਦਗੀ 'ਚ ਤਹਿਸੀਲਦਾਰ, ਕਾਰਪੋਰੇਸ਼ਨ ਦੀ ਟੀਮ ਅਤੇ ਥਾਣਾ ਫੇਜ਼-8 ਦੇ ਐਸਐਚਓ ਜਰਨੈਲ ਸਿੰਘ ਪੁਲਿਸ ਪਾਰਟੀ ਸਮੇਤ ਮੌਕੇ 'ਤੇ ਪਹੁੰਚੇ ਜਦੋਂ ਵਿਭਾਗ ਵਲੋਂ ਕਬਜਾ ਖਾਲੀ ਕਰਵਾਉਣ ਦੇ ਲਈ ਪੀਲਾ ਪੰਜਾ ਚਲਾਉਣਾ ਸ਼ੁਰੂ ਕੀਤਾ ਤਾਂ ਕਬਜ਼ਾਧਾਰੀਆਂ ਨੇ ਵਿਰੋਧ ਕਰਨਾ ਸ਼ੁਰੂ ਕਰ ਦਿਤਾ, ਜਿਨ੍ਹਾਂ ਵਿਚ ਔਰਤਾਂ ਵੀ ਸ਼ਾਮਿਲ ਸਨ।

ਟਿਊਬਵੈੱਲਾਂ ਰਾਹੀਂ ਜ਼ਮੀਨਦੋਜ਼ ਪਾਣੀ ਦੀ ਥਾਂ ਕਜੌਲੀ ਤੋਂ ਦਰਿਆਈ ਪਾਣੀ ਹੀ ਬੁਝਾਵੇਗਾ ਸੁਖਨਾ ਦੀ ਪਿਆਸ

ਚੰਡੀਗੜ੍ਹ, 17 ਜੁਲਾਈ (ਨੀਲ ਭਲਿੰਦਰ ਸਿੰਘ) : ਮਾਨਸੂਨ ਦੀ ਔੜ ਦਾ ਵੱਡਾ ਸ਼ਿਕਾਰ ਬਣੀ ਹੋਈ ਚੰਡੀਗੜ੍ਹ ਦੀ ਸ਼ਾਨ ਸੁਖਨਾ ਝੀਲ ਨੂੰ ਬਚਾਉਣ ਲਈ ਆਖ਼ਰੀ ਹੀਲਾ ਹੁਣ ਪੰਜਾਬ ਤੋਂ ਕਜੌਲੀ ਵਾਟਰ ਵਰਕਸ ਰਾਹੀਂ ਨਿਯਮਾਂ ਤਹਿਤ ਮੁਹਈਆ ਹੋ ਰਿਹਾ ਨਹਿਰੀ ਪਾਣੀ ਹੀ ਬਚਿਆ ਹੈ। ਇਉਂ ਵੀ ਆਖਿਆ ਜਾ ਸਕਦਾ ਹੈ ਕਿ ਟਿਊਬਵੈੱਲਾਂ ਰਾਹੀਂ ਜ਼ਮੀਨਦੋਜ਼ ਪਾਣੀ ਦੀ ਥਾਂ ਕਜੌਲੀ ਤੋਂ ਦਰਿਆਈ ਪਾਣੀ ਹੀ ਹੁਣ ਸ਼ਇਦ ਬੁਝਾ ਸਕੇਗਾ ਸੁਕਦੀ ਜਾ ਰਹੀ ਸੁਖਨਾ ਦੀ ਤੇਹ।

ਵਿੱਤੀ ਸੰਕਟ: ਹਰਿਆਣਾ ਵਲੋਂ ਪੰਜਾਬ 'ਵਰਸਟੀ ਨੂੰ ਮਦਦ ਦੀ ਪੇਸ਼ਕਸ਼

ਚੰਡੀਗੜ੍ਹ, 16 ਜੁਲਾਈ (ਬਠਲਾਣਾ) : ਕੇਂਦਰ ਅਤੇ ਪੰਜਾਬ ਸਰਕਾਰ ਵਲੋਂ ਗਰਾਂਟ ਵਿਚ ਕਟੌਤੀ ਮਗਰੋਂ ਵਿੱਤੀ ਸੰਕਟ ਵਿਚ ਘਿਰੀ ਪੰਜਾਬ ਯੂਨੀਵਰਸਟੀ ਨੂੰ ਹਰਿਆਣਾ ਸਰਕਾਰ ਵਲੋਂ ਮਦਦ ਦੀ ਪੇਸ਼ਕਸ਼ ਕੀਤੀ ਗਈ ਹੈ ਪਰ ਇਸ ਬਦਲੇ ਅਪਣੇ ਕੁੱਝ ਕਾਲਜ ਯੂਨੀਵਰਸਟੀ ਨਾਲ ਜੋੜਨ ਤੇ ਦੂਜੀਆਂ ਬਾਡੀਜ਼ ਵਿਚ ਹਿੱਸੇਦਾਰੀ ਦੀ ਮੰਗ ਰੱਖੀ ਹੈ। ਇਸ ਸਬੰਧੀ ਪੰਚਕੂਲਾ ਦੇ ਵਿਧਾਇਕ ਗਿਆਨ ਚੰਦ ਗੁਪਤਾ ਕਾਫ਼ੀ ਸਰਗਰਮ ਦੱਸੇ ਜਾ ਰਹੇ ਹਨ। ਉਨ੍ਹਾਂ ਯੂਨੀਵਰਸਟੀ ਦੇ ਵੀਸੀ ਨੂੰ ਚਿੱਠੀ ਲਿਖ ਕੇ ਜਿਥੇ ਮਦਦ ਦੀ ਪੇਸ਼ਕਸ਼ ਰੱਖੀ ਹੈ, 'ਤੇ ਹੁਣ ਹਰਿਆਣਾ ਸਰਕਾਰ ਵਲੋਂ ਕੇਂਦਰ ਨੂੰ ਚਿੱਠੀ ਲਿਖ ਕੇ ਅਪਣਾ ਦਾਅਵਾ ਪੇਸ਼ ਕਰ ਦਿਤਾ ਹੈ।

ਜਣੇਪਾ ਕਰਵਾਉਣ ਵਾਲੀਆਂ 70 ਫ਼ੀ ਸਦੀ ਔਰਤਾਂ ਨੂੰ ਜੇ.ਐਸ.ਵਾਈ. ਸਕੀਮ ਦਾ ਫ਼ਾਇਦਾ ਨਹੀਂ ਮਿਲ ਰਿਹਾ

ਚੰਡੀਗੜ੍ਹ, 16 ਜੁਲਾਈ (ਤਰੁਣ ਭਜਨੀ): ਸ਼ਹਿਰ ਦੇ ਸਰਕਾਰੀ ਹਸਪਤਾਲਾਂ ਵਿਚ ਜ਼ਿਆਦਾਤਰ ਔਰਤਾਂ ਦਾ ਜਣੇਪਾ ਹੋ ਰਿਹਾ ਹੈ ਪਰ ਸਰਕਾਰ ਵਲੋਂ ਮਿਲਣ ਵਾਲੀ ਆਰਥਕ ਮਦਦ ਜ਼ਿਆਦਾਤਰ ਮਾਵਾਂ ਨੂੰ ਨਹੀਂ ਮਿਲ ਰਹੀ ਹੈ। ਇਸ ਗੱਲ ਦਾ ਪ੍ਰਗਟਾਵਾ ਪੀ.ਜੀ.ਆਈ. ਦੇ ਸਕੂਲ ਆਫ਼ ਪਬਲਿਕ ਹੈਲਥ ਵਲੋਂ ਕੀਤੀ ਗਈ ਸਟੱਡੀ ਵਿਚ ਹੋਇਆ ਹੈ। ਸਟੱਡੀ ਮੁਤਾਬਕ ਸਰਕਾਰ ਵਲੋਂ ਗਰਭਵਤੀ ਔਰਤਾਂ ਅਤੇ ਜਣੇਪੇ ਤੋਂ ਬਾਅਦ ਮਿਲਣ ਵਾਲੀ ਆਰਥਕ ਸਹਾਇਤਾ ਇਨ੍ਹਾਂ ਔਰਤਾਂ ਨੂੰ ਨਹੀਂ ਮਿਲ ਰਹੀ ਹੈ। ਜਨਨੀ ਸੁਰੱਕਸ਼ਾ ਯੋਜਨਾ ਸਕੀਮ (ਜੇ.ਐਸ.ਵਾਈ.) ਤਹਿਤ ਔਰਤਾਂ 70 ਫ਼ੀਸਦੀ ਔਰਤਾਂ ਨੂੰ ਇਸ ਸਕੀਮ ਦਾ ਕੋਈ ਫ਼ਾਇਦਾ ਨਹੀ ਮਿਲਿਆ ਹੈ।

ਸਹੂਲਤਾਂ ਤੋਂ ਸਖਣੇ ਵਾਰਡ ਨੰ:18 ਦੀ ਆਖ਼ਰ ਕਦੋਂ ਸੁਣੀ ਜਾਵੇਗੀ ਪੁਕਾਰ

ਐਸ.ਏ.ਐਸ. ਨਗਰ, 16 ਜੁਲਾਈ (ਪਰਦੀਪ ਸਿੰਘ ਹੈਪੀ): ਪੰਜਾਬ ਦੀ ਰਾਜਧਾਨੀ ਚੰਡੀਗੜ੍ਹ ਦੀ ਬੁੱਕਲ 'ਚ ਵੱਸੇ ਰਾਜਨੀਤਕ ਤੌਰ 'ਤੇ ਮਹੱਤਵਪੂਰਨ ਸ਼ਹਿਰ ਵਜੋਂ ਜਾਣੇ ਜਾਂਦੇ ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ ਦੇ ਵਾਰਡ ਨੰਬਰ-18 ਦੀ ਦਾਸਤਾਂ ਬਿਆਨ ਕਰਦਿਆਂ ਸੱਭ ਦੀਆਂ ਅੱਖਾਂ ਸਾਹਮਣੇ ਵਾਰਡ 'ਚ ਸਥਿਤ ਮਕਾਨਾਂ 'ਚੋਂ ਵੱਡੀ ਗਿਣਤੀ ਵਿਚ ਪੀ.ਜੀ. (ਪੇਇੰਗ ਗੈਸਟ) 'ਚ ਤਬਦੀਲ ਹੋ ਚੁਕੇ ਘਰਾਂ ਵਲ ਜਾਂਦੀ ਹੈ।

ਟਰੱਕ ਦੀ ਲਪੇਟ ਵਿਚ ਆਉਣ ਨਾਲ ਸਾਈਕਲ ਸਵਾਰ ਨੌਜਵਾਨ ਦੀ ਮੌਤ

ਚੰਡੀਗੜ੍ਹ, 16 ਜੁਲਾਈ (ਤਰੁਣ ਭਜਨੀ): ਮੌਲੀਜਾਗਰਾਂ ਨੇੜੇ ਇਕ ਟਰੱਕ ਦੀ ਲਪੇਟ ਵਿਚ ਆਉਣ ਕਾਰਨ ਸਾਈਕਲ ਸਵਾਰ ਨੌਜਵਾਨ ਦੀ ਮੌਤ ਹੋ ਗਈ। ਘਟਨਾ ਸ਼ਨਿਚਰਵਾਰ ਦੇਰ ਰਾਤ ਦੀ ਹੈ। ਜਦ 19 ਸਾਲਾ ਅਰਜੁਨ ਅਪਣੇ ਭਰਾ ਨਰੇਸ਼ ਦੇ ਨਾਲ ਸਾਈਕਲ ਤੇ ਦੜੂਆਂ ਤੋਂ ਮੌਲੀਜਾਗਰਾਂ ਸਥਿਤ ਅਪਣੇ ਘਰ ਜਾ ਰਿਹਾ ਸੀ। ਅਚਾਨਕ ਤੇਜ਼ ਰਫ਼ਤਾਰ ਟਰੱਕ ਨੇ ਉਸ ਨੂੰ ਟੱਕਰ ਮਾਰ ਦਿਤੀ ਅਤੇ ਉਹ ਟਰੱਕ ਦੇ ਪਿਛਲੇ ਹਿਸੇ ਵਿਚ ਫਸ ਗਿਆ। ਟਰੱਕ ਕਾਫ਼ੀ ਦੂਰ ਤਕ ਉਸ ਨੂੰ ਘੜੀਸਦਾ ਹੋਇਆ ਲੈ ਗਿਆ। ਹਾਦਸੇ ਵਿਚ ਨਰੇਸ਼ ਦੀ ਜਾਨ ਬਚ ਗਈ। ਉਸ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਜਦਕਿ ਅਰਜੁਨ ਦੀ ਮੌਤ ਹੋ ਗਈ।

ਸੰਸਦ ਮੈਂਬਰ ਕਿਰਨ ਖੇਰ ਜਜ਼ਬਾਤੀ ਕਿਉਂ ਹੋਏ?

ਚੰਡੀਗੜ੍ਹ, 15 ਜੁਲਾਈ (ਸ.ਸ.ਸ.) : ਬੀਤੇ ਦਿਨੀਂ ਇਕ ਉਚ ਪਧਰੀ ਮੀਟਿੰਗ ਵਿਚ ਚੰਡੀਗੜ੍ਹ ਦੀ ਸੰਸਦ ਮੈਂਬਰ ਕਿਰਨ ਖੇਰ ਜਜ਼ਬਾਤੀ ਹੋ ਗਈ, ਉਸ ਦੀਆਂ ਅੱਖਾਂ ਵਿਚ ਪਾਣੀ ਭਰ ਆਇਆ। ਕੋਲ ਬੈਠੇ ਪੰਜਾਬ ਦੇ ਰਾਜਪਾਲ ਤੇ ਚੰਡੀਗੜ੍ਹ ਦੇ ਪ੍ਰਸ਼ਾਸਕ ਵੀ.ਪੀ. ਸਿੰਘ ਬਦਨੌਰ ਨੇ ਉਨ੍ਹਾਂ ਨੂੰ ਦਿਲਾਸਾ ਦਿੰਦੇ ਹੋਏ ਅਪਣੇ ਜਜ਼ਬਾਤ 'ਤੇ ਕਾਬੂ ਪਾਉਣ ਨੂੰ ਕਿਹਾ। ਕੁੱਝ ਦੇਰ ਬਾਅਦ ਫਿਰ ਸ਼ਾਂਤ ਹੋ ਗਏ।

12345678910...
Findus on Facebook
ਚ੍ਰਚਿਤਖ਼ਬਰਾਂ
ਅਜ ਦਾ ਅਖਬਾਰ
ਤੁਹਾਡਾਸੁਝਾਅ

Corporate Office : #3037 Sector-19D, Chandigarh

Phone: +91-172 - 2542033, 2542066

Press : D-12 Industrial Area, Ph-1, S.A.S. Nagar, Mohali, Punjab.

Phone: +91-172 - 3047671 / 72

Fax : +91-172 - 5013421

Email : admin@rozanaspokesman.com

General Manager : Mr Rajinder singh

Phone : 9855554387

Rozana Spokesman is a Punjabi-language daily newspaper in India. During its earlier years it was a weekly newspaper. The newspaper takes an independent stand in all the matters related to Punjab, and Sikhs and the Sikh religion in particular

Copyright © 2016 Rozana Spokesman