ਖੇਡ ਖ਼ਬਰਾਂ
ਕੁੰਬਲੇ ਨੇ ਭਾਰਤੀ ਕ੍ਰਿਕਟ ਟੀਮ ਦੇ ਮੁੱਖ ਕੋਚ ਦੇ ਅਹੁਦੇ ਤੋਂ ਦਿਤਾ ਅਸਤੀਫ਼ਾ


ਨਵੀਂ ਦਿੱਲੀ, 20 ਜੂਨ: ਅਨਿਲ ਕੁੰਬਲੇ ਨੇ ਭਾਰਤੀ ਟੀਮ ਦੇ ਮੁੱਖ ਕੋਚ ਦਾ ਅਹੁਦਾ ਛੱਡ ਦਿਤਾ ਹੈ। ਕੁੰਬਲੇ ਦਾ ਸਮਝੌਤਾ ਮੰਗਲਵਾਰ ਨੂੰ ਹੀ ਖ਼ਤਮ ਹੋ ਰਿਹਾ ਸੀ ਪਰ ਉਹ ਵੈਸਟਇੰਡੀਜ਼ ਦੌਰੇ ਤਕ ਬਣੇ ਰਹਿ ਸਕਦੇ ਸਨ। ਹਾਲਾਂਕਿ, ਟਿਕਟ ਬੁਕ ਹੋਣ ਦੇ ਬਾਵਜੂਦ ਮੌਕੇ 'ਤੇ ਉਹ ਵੈਸਟਇੰਡੀਜ਼ ਨਹੀਂ ਗਏ ਅਤੇ ਲੰਦਨ ਵਿਚ ਹੀ ਰਹਿਣ ਦਾ ਫ਼ੈਸਲਾ ਕੀਤਾ।

ਧੋਨੀ ਤੇ ਯੁਵਰਾਜ ਦੇ ਬਦਲ ਦੀ ਕਰਨੀ ਹੋਵੇਗੀ ਭਾਲ : ਦ੍ਰਾਵਿੜ


ਨਵੀਂ ਦਿੱਲੀ, 20 ਜੂਨ: ਭਾਰਤ ਦੇ ਸਾਬਕਾ ਕਪਤਾਨ ਰਾਹੁਲ ਦ੍ਰਾਵਿੜ ਦਾ ਮੰਨਣਾ ਹੈ ਕਿ ਆਈ. ਸੀ. ਸੀ. 2019 ਵਿਸ਼ਵ ਕੱਪ ਤੋਂ ਪਹਿਲਾਂ ਰਾਸ਼ਟਰੀ ਟੀਮ ਨੂੰ ਮਹਿੰਦਰ ਸਿੰਘ ਧੋਨੀ ਅਤੇ ਯੁਵਰਾਜ ਸਿੰਘ ਦੀ ਥਾਂ ਬਿਹਤਰ ਵਿਕਲਪ ਭਾਲ ਕਰਨੇ ਹੋਣਗੇ।

ਚੈਂਪੀਅਨਜ਼ ਟਰਾਫ਼ੀ ਦੀ ਥਾਂ ਟੀ20 ਵਿ²ਸ਼ਵ ਕੱਪ ਆਯੋਜਤ ਕਰ ਸਕਦੈ ਆਈਸੀਸੀ


ਲੰਦਨ, 20 ਜੂਨ: ਅੰਤਰਰਾਸ਼ਟਰੀ ਕ੍ਰਿਕਟ ਪਰਿਸ਼ਦ ਅਗਲੀ ਵਾਰ ਭਾਰਤ ਦੀ ਮੇਜ਼ਬਾਨੀ ਵਿਚ ਹੋਣ ਵਾਲੀ ਚੈਂਪੀਅਨਜ਼ ਟਰਾਫ਼ੀ ਨੂੰ ਖ਼ਤਮ ਕਰ ਕੇ ਉਸ ਦੀ ਚਾਰ ਸਾਲ ਦੇ ਅੰਤਰਾਲ ਵਿਚ ਦੋ ਟੀ20 ਵਿਸ਼ਵ ਕੱਪ ਦੇ ਆਯੋਜਨ 'ਤੇ ਵਿਚਾਚ ਕਰ ਰਿਹਾ ਹੈ। ਆਈਸੀਸੀ ਦੇ ਮੁੱਖ ਕਾਰਜਕਾਰੀ ਡੇਵਿਡ ਰਿਚਰਡਸਨ ਨੇ ਅੱਜ ਇਹ ਜਾਣਕਾਰੀ ਦਿਤੀ।

ਵਿਰਾਟ ਕੋਹਲੀ ਨੇ ਅਸ਼ਵਿਨ ਦਾ ਕੀਤਾ ਬਚਾਅ

ਲੰਡਨ, 19 ਜੂਨ: ਇਕ ਦਿਨਾ ਕ੍ਰਿਕਟ ਵਿਚ ਸੀਨੀਅਰ ਆਫ਼ ਸਪਿੰਨਰ ਰਵੀਚੰਦਰਨ ਅਸ਼ਵਿਨ ਦਾ ਪ੍ਰਦਰਸ਼ਨ ਉਮੀਦ ਮੁਤਾਬਕ ਨਹੀਂ ਰਿਹਾ ਹੈ ਪ੍ਰੰਤੂ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਦਾ ਮੰਨਣਾ ਹੈ ਕਿ ਇਸ ਫ਼ਾਰਮੇਟ ਵਿਚ ਸਪਾਟ ਪਿੱਚਾਂ 'ਤੇ ਗੇਂਦਬਾਜ਼ੀ ਕਰਨ ਦੀ ਚੁਨੌਤੀ ਨੂੰ ਦੇਖਦੇ ਹੋਏ ਉਸ ਦੀ ਆਲੋਚਨਾ ਕਰਨਾ ਅਣਉਚਿਤ ਹੈ। ਨੌਜਵਾਨ ਬੱਲੇਬਾਜ਼ ਫ਼ਖ਼ਰ ਜਮਾਂ ਨੇ ਅਸ਼ਵਿਨ ਨੂੰ ਨਿਸ਼ਾਨਾ ਬਣਾਇਆ ਜਿਸ ਨਾਲ ਇਸ ਆਫ਼ ਸਪਿੰਨਰ ਨੇ ਬੀਤੇ ਦਿਨ ਚੈਂਪੀਅਨਜ਼ ਟਰਾਫ਼ੀ ਦੇ ਫ਼ਾਈਨਲ ਵਿਚ ਭਾਰਤ ਦੀਆਂ 180 ਦੌੜਾਂ ਦੀ ਹਾਰ ਦੌਰਾਨ 10 ਉਵਰਾਂ ਵਿਚ 70 ਦੌੜਾਂ ਖ਼ਰਚ ਕੀਤੀਆਂ ਜਦਕਿ ਉਸ ਨੂੰ ਕੋਈ ਵਿਕਟ ਹਾਸਲ ਨਹੀਂ ਹੋਈ।

ਚੈਂਪੀਅਨਜ਼ ਟਰਾਫ਼ੀ 'ਚ ਜਿੱਤ ਤੋਂ ਬਾਅਦ ਪਾਕਿ ਸੈਨਾ ਨੇ ਭਾਰਤ ਦਾ ਉਡਾਇਆ ਮਜ਼ਾਕ

ਇਸਲਾਮਾਬਾਦ, 19 ਜੂਨ: ਪਾਕਿ ਸੈਨਾ ਨੇ ਚੈਂਪੀਅਨਜ਼ ਟਰਾਫ਼ੀ ਕ੍ਰਿਕਟ ਫ਼ਾਈਨਲ ਵਿਚ ਅਪਣੇ ਦੇਸ਼ ਦੀ ਜਿੱਤ ਤੋਂ ਬਾਅਦ ਭਾਰਤ ਦਾ ਮਜ਼ਾਕ ਉਡਾਉਂਦੇ ਹੋਏ ਅਸ਼ਾਂਤ ਬਲੂਚਿਸਤਾਨ ਵਿਚ ਜਸ਼ਨ ਦੀਆਂ ਤਸਵੀਰਾਂ ਸਾਂਝੀਆਂ ਕਰਦੇ ਹੋਏ ਸਿਰਲੇਖ ਦਿਤਾ ''ਜਿਸ ਦਾ ਇਸ ਨਾਲ ਸਬੰਧ ਹੋਵੇ, ਦੂਰ ਰਹੋ।''

ਤਨਖ਼ਾਹ ਮੰਗਾਂ ਤੋਂ ਨਹੀਂ ਹਟਣਗੇ ਖਿਡਾਰੀ : ਡੇਵਿਡ ਵਾਰਨਰ

ਸਿਡਨੀ, 19 ਜੂਨ : ਸਟਾਰ ਬੱਲੇਬਾਜ਼ ਡੇਵਿਡ ਵਾਰਨਰ ਨੇ ਚੇਤਾਵਨੀ ਦਿਤੀ ਹੈ ਕਿ ਆਸਟ੍ਰੇਲੀਆਈ ਖਿਡਾਰੀ ਕੜਵਾਹਟ ਭਰੇ ਤਨਖ਼ਾਹ ਵਿਵਾਦ ਵਿਚ ਪਿੱਛੇ ਨਹੀਂ ਹੱਟਣਗੇ ਜਿਸ ਦੌਰਾਨ ਆਗਾਮੀ ਦੌਰਾ ਸ਼ੱਕ ਦੇ ਘੇਰੇ ਵਿਚ ਹੈ।

ਖੇਡ ਮੰਤਰੀ ਨੇ ਭਾਰਤੀ ਹਾਕੀ ਟੀਮ ਅਤੇ ਸ਼੍ਰੀਕਾਂਤ ਨੂੰ ਦਿਤੀ ਵਧਾਈ

ਨਵੀਂ ਦਿੱਲੀ, 19 ਜੂਨ : ਖੇਡ ਮੰਤਰੀ ਵਿਜੇ ਗੋਇਲ ਨੇ ਲੰਡਨ ਵਿਚ ਚਲ ਰਹੇ ਹਾਕੀ ਵਿਸ਼ਵ ਲੀਗ ਦੇ ਸੈਮੀਫ਼ਾਈਨਲ 'ਚ ਪਾਕਿ 'ਤੇ ਬਿਹਤਰੀਨ ਜਿੱਤ ਲਈ ਭਾਰਤੀ ਟੀਮ ਨੂੰ ਵਧਾਈ ਦਿਤੀ ਹੈ। ਭਾਰਤ ਨੇ ਲੀਗ ਵਿਚ ਅਪਣਾ ਜੇਤੂ ਅਭਿਆਸ ਜਾਰੀ ਰਖਦੇ ਹੋਏ ਬੀਤੇ ਦਿਨ ਪਾਕਿਸਤਾਨ ਨੂੰ 7-1 ਨਾਲ ਹਰਾਇਆ ਸੀ।

ਵੈਸਟਇੰਡੀਜ਼ ਨੇ ਭਾਰਤ ਵਿਰੁਧ ਪੰਜਾਂ ਮੈਚਾਂ ਦੀ ਸੀਰੀਜ਼ ਲਈ ਟੀਮ ਕੀਤੀ ਘੋਸ਼ਿਤ

ਬਾਰਬਾਡੋਸ, 19 ਜੂਨ: ਵੈਸਟਇੰਡੀਜ਼ ਕ੍ਰਿਕਟ ਬੋਰਡ ਨੇ ਭਾਰਤ ਵਿਰੁਧ ਪੰਜ ਮੈਚਾਂ ਦੀ ਇਕ ਦਿਨਾ ਸੀਰੀਜ਼ ਦੇ ਸ਼ੁਰੂਆਤੀ 2 ਮੈਚਾਂ ਲਈ ਅਪਣੀ ਟੀਮ ਵਿਚ ਕੋਈ ਬਦਲਾਅ ਨਹੀਂ ਕੀਤਾ ਹੈ। ਜੂਨ ਦੇ ਸ਼ੁਰੂਆਤ ਵਿਚ ਅਫ਼ਗ਼ਾਨਿਸਤਾਨ ਵਿਰੁਧ 1-1 ਨਾਲ ਡਰਾਅ ਵਿਰੁਧ ਸੀਰੀਜ਼ ਦੇ ਸ਼ੁਰੂਆਤੀ ਦੋਵੇਂ ਮੈਚਾਂ ਵਿਚ ਖੇਡਣ ਉਤਰੇਗੀ।

ਸ੍ਰੀਕਾਂਤ ਨੇ ਇੰਡੋਨੇਸ਼ੀਆ ਓਪਨ ਖ਼ਿਤਾਬ ਜਿੱਤਿਆ


ਜਕਾਰਤਾ, 18 ਜੂਨ: ਭਾਰਤੀ ਸ਼ਟਲਰ ਕਿਦਾਮਬੀ ਸ੍ਰੀਕਾਂਤ ਨੇ ਅੱਜ ਇਥੇ ਫ਼ਾਈਨਲ ਵਿਚ ਜਾਪਾਨੀ ਕੁਆਲੀਫ਼ਾਇਰ ਕਾਜੁਮਾਸਾ ਸਾਕਾਈ 'ਤੇ ਸਿੱਧੇ ਗੇਮ ਵਿਚ ਜਿੱਤ ਦਰਜ ਕਰ ਇੰਡੋਨੇਸ਼ੀਆ ਓਪਨ ਪੁਰਸ਼ ਸਿੰਗਲ ਟਰਾਫ਼ੀ ਅਪਣੇ ਨਾਮ ਕੀਤੀ ਜੋ ਉਨ੍ਹਾਂ ਦਾ ਤੀਜਾ ਸੁਪਰ ਸੀਰੀਜ਼ ਖ਼ਿਤਾਬ ਹੈ।

ਚੈਂਪੀਅਨਜ਼ ਟਰਾਫ਼ੀ 'ਤੇ ਪਾਕਿ ਦਾ ਪਹਿਲੀ ਵਾਰ ਕਬਜ਼ਾ


ਲੰਡਨ, 18 ਜੂਨ: ਚੈਂਪੀਅਨਜ਼ ਟਰਾਫ਼ੀ ਦੇ ਫ਼ਾਈਨਲ ਵਿਚ ਪਾਕਿਸਤਾਨ ਨੇ ਭਾਰਤ 'ਤੇ ਹੁਣ ਤਕ ਦੀ ਸੱਭ ਤੋਂ ਵੱਡੀ ਜਿੱਤ ਹਾਸਲ ਕਰ ਕੇ ਖ਼ਿਤਾਬੀ ਮੁਕਾਬਲਾ ਅਪਣੇ ਨਾਮ ਕੀਤਾ। 339 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਭਾਰਤੀ ਟੀਮ ਸਿਰਫ਼ 158 ਦੌੜਾਂ ਹੀ ਬਣਾ ਸਕੀ। ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਫ਼ਖਰ ਜਮਾਨ ਦੇ ਸੈਂਕੜੇ ਦੀ ਬਦੌਲਤ ਪਾਕਿ ਨੇ 338 ਦੌੜਾਂ ਦਾ ਪਹਾੜ ਵਰਗਾ ਸਕੋਰ ਬਣਾਇਆ। ਜਵਾਬ ਵਿਚ ਭਾਰਤੀ ਟੀਮ 30.3 ਓਵਰ ਵਿਚ 158 ਦੌੜਾਂ 'ਤੇ ਆਲ ਆਊਟ ਹੋ ਗਈ। ਪਿਛਲੀ ਜੇਤੂ ਭਾਰਤੀ ਟੀਮ ਨੂੰ ਪਾਕਿ ਨੇ 180 ਦੌੜਾਂ ਨਾਲ ਹਰਾਇਆ।

ਵਿਸ਼ਵ ਲੀਗ ਹਾਕੀ ਦੇ ਫ਼ਾਈਨਲ ਵਿਚ ਪੁੱਜਾ ਭਾਰਤ



ਲੰਡਨ, 18 ਜੂਨ: ਐਫ਼ ਆਈ ਐਚ ਹਾਕੀ ਵਰਲਡ ਲੀਗ ਸੈਮੀਫ਼ਾਈਨਲ ਵਿਚ ਭਾਰਤ ਨੇ ਪਾਕਿਸਤਾਨ ਨੂੰ  7-1 ਨਾਲ ਹਰਾ ਦਿਤਾ। ਮੈਚ ਵਿਚ ਹਰਮਨਪ੍ਰੀਤ, ਤਲਵਿੰਦਰ ਸਿੰਘ ਅਤੇ ਆਕਾਸ਼ਦੀਪ ਨੇ 2²-2 ਗੋਲ ਕੀਤੇ। ਤੀਜੇ ਕੁਆਰਟਰ ਤਕ ਭਾਰਤ ਨੇ ਪਾਕਿਸਤਾਨ ਵਿਰੁਧ ਚਾਰ ਗੋਲ ਕਰ ਦਿਤੇ ਸਨ। ਮੈਚ ਦੌਰਾਨ ਪਾਕਿ ਦੀ ਟੀਮ ਨੇ ਕੁੱਝ ਚੰਗੇ ਮੂਵ ਬਣਾਏ, ਪਰ ਉਹ ਗੋਲ ਵਿਚ ਤਬਦੀਲ ਨਹੀਂ ਕਰ ਸਕੇ। ਦਸਣਯੋਗ ਹੈ ਕਿ ਪਾਕਿ ਤੋਂ ਪਹਿਲਾਂ ਭਾਰਤ ਸਕਾਟਲੈਂਡ ਅਤੇ ਕੈਨੇਡਾ ਨੂੰ ਵੀ ਹਰਾ ਚੁਕਾ ਹੈ। 13ਵੇਂ ਮਿੰਟ ਵਿਚ ਹੋਇਆ ਭਾਰਤ ਦਾ ਪਹਿਲਾ ਗੋਲ।

ਕ੍ਰਿਕਟ-ਹਾਕੀ ਵਿਚ ਅੱਜ ਭਾਰਤ-ਪਾਕਿ ਆਹਮੋ-ਸਾਹਮਣੇ



ਚੰਡੀਗੜ੍ਹ, 17 ਜੂਨ: ਕਲ ਐਤਵਾਰ ਦਾ ਦਿਨ ਭਾਰਤ ਦੇ ਖੇਡ ਪ੍ਰੇਮੀਆਂ ਲਈ ਸੱਭ ਖ਼ਾਸ ਦਿਨ ਹੈ ਕਿਉਂਕਿ ਕਲ ਭਾਰਤ ਅਤੇ ਪਾਕਿਸਤਾਨ ਕ੍ਰਿਕਟ ਅਤੇ ਹਾਕੀ ਦੇ ਮੈਚਾਂ ਵਿਚ ਆਹਮੋ-ਸਾਹਮਣੇ ਹੋਣਗੇ।
ਇਕ ਪਾਸੇ ਇੰਗਲੈਂਡ ਵਿਚ ਖੇਡੇ ਜਾ ਰਹੇ ਆਈਸੀਸੀ ਕ੍ਰਿਕਟ ਟੂਰਨਾਮੈਂਟ ਦੇ ਫ਼ਾਈਨਲ ਵਿਚ ਭਾਰਤ ਦਾ ਮੁਕਾਬਲਾ ਪਾਕਿਸਤਾਨ ਨਾਲ ਹੋਵੇਗਾ ਅਤੇ ਦੂਜੇ ਪਾਕਿਸਤਾਨ ਇੰਗਲੈਂਡ ਵਿਚ ਹੀ ਖੇਡੇ ਜਾ ਰਹੇ ਹਾਕੀ ਵਰਲਡ ਲੀਗ ਸੈਮੀਫ਼ਾਈਨਲ ਦੇ ਲੀਗ ਮੈਚ 'ਚ ਇਹ ਦੋਵੇਂ ਦੇਸ਼ ਇਕ-ਦੂਜੇ ਦੇ ਸਾਹਮਣੇ ਹੋਣਗੇ।

12345678910...
Findus on Facebook
ਚ੍ਰਚਿਤਖ਼ਬਰਾਂ
ਅਜ ਦਾ ਅਖਬਾਰ
ਤੁਹਾਡਾਸੁਝਾਅ

Corporate Office : #3037 Sector-19D, Chandigarh

Phone: +91-172 - 2542033, 2542066

Press : D-12 Industrial Area, Ph-1, S.A.S. Nagar, Mohali, Punjab.

Phone: +91-172 - 3047671 / 72

Fax : +91-172 - 5013421

Email : admin@rozanaspokesman.com

General Manager : Mr Rajinder singh

Phone : 9855554387

Rozana Spokesman is a Punjabi-language daily newspaper in India. During its earlier years it was a weekly newspaper. The newspaper takes an independent stand in all the matters related to Punjab, and Sikhs and the Sikh religion in particular

Copyright © 2016 Rozana Spokesman